「鈴鈴鈴，買呀！買呀！」那年代，股市瘋狂地升，股民瘋狂地炒，彷彿遍地黃金。俗稱「金魚缸」的交易大堂內外擠滿人，身穿紅背心的出市員跑出跑入，個個盯著黑板上的報價。當年「金牌莊家」詹培忠也是其中一員，憶述由「紅衫仔」出市員做到證券行老闆，接過無數上市公司生意，他感嘆以前做莊家凡事講道義，「即係唔好食到盡，殺到絕！」
1970年，25歲的詹培忠偕寮國華僑太太從金邊回流香港，幫手打理父親與朋友開辦的股票行「永利證券」。當時股市開始活躍，皆因遠東交易所剛成立不久，打破香港證券交易所（簡稱香港會）一會獨大的壟斷局面。「遠東交易所係一個分水嶺，之前啲股票就係有錢人嘅遊戲，之後嘅股市先有平民參與。」詹培忠娓娓道來。
那年代，交易不是電腦中的一堆數字，而是出市員在黑板寫上報價大聲嗌出，想接貨的人就得衝出去，先到先得。
詹培忠指，不少股民會守在「金魚缸」外，留意經紀的一舉一動。「佢（上市公司或大客）的御用經紀出嚟買貨或賣貨具有一定殺傷力、影響力，唔係普通經紀，十手、二手。」連同行之間，也會盯緊對方行動。「啲大價股，經紀個個碌大對眼睇住佢搵食。」譬如滙控（005）的御用經紀莫應基，「朝頭早7點就要係滙豐門口，等（前主席）沈弼返嚟召見。」自然成為眾人關注對象。
舊時禁止拋空股票，「我哋以前淨係學識炒上，跟我哋搵食嘅，個個多少都搵到食。」反觀現今，「而家全部賊嚟嘅，個個炒跌，因炒上食本，炒跌唔使食本。」看盡股壇風雨，他總結蝕底的永遠是散戶，「股票萬變不離其宗，就係一個字：呃！」大戶早打定如意算盤，吸引散戶「落疊」。
面對交易大堂退役在即，詹培忠顯得十分理性，指交易自動化之後，大堂已沒有存在價值，結束不會有太大影響。他只輕嘆，電腦交易失去了寫粉筆的那種「味道」。
記者:卓茗
https://hk.finance.appledaily.com/finance/realtime/article/20171026/57376472
沒有留言:
張貼留言