![碎股「股神」 唔沽就能生活近年有位日本散戶大叔，登上綜藝節目走紅。佢叫桐谷廣人，退休前係職業棋手同做散戶炒股，股齡30年。最令人嘖嘖稱奇嘅，係佢無論炒股炒到幾燶，多年嚟已經鑽研咗一套獨特嘅買股方法，令佢衣食無憂。[[MORE]]話說日本好多上市公司，都會派股東優惠劵，例如快餐店股份，每年兩次，都可以獲得相應嘅餐券。於是，呢位阿叔，就專挑有豐厚股東福利嘅股票投資，投資咗600幾間，間間都唔多，成手碎股，只貪優惠劵。而喺節目入面，拍攝佢一日嘅生活，就係早午晚三餐、配眼鏡同買書，都係用優惠劵，甚至連睇戲都有免費飛，平日就靠單車代步，根本唔使用錢，難怪曾經經歷過股市暴跌日子嘅佢，生活水平依然無大幅降低。可知道，佢喺2006年，手上有3億日元股票，2008年雷曼兄弟倒閉時，手上股票縮水到5000萬日元，窮到無Cash開飯，佢就係靠按股份發放嘅優惠劵生活，只要佢唔拋售，似乎就有飯開。今日，佢僅有嘅開支，就只有租屋而已，每日依然炒股為樂。資料來源：webuzzy](https://lh3.googleusercontent.com/blogger_img_proxy/AEn0k_takgEb1H3BjEkRcZjDMvwv18FLqdNhBbsX_UEspIneF3R2sOD2XMiUJEym0j_8IVQEMo_7EoRYEpkqoZ5VQsKBKndXvYFRj-iu9lBX342j1XnJz5eR6ko3fYsVMBhK7_VmBY0qXLJOleg1ZSl_ANmvqDGz4wRPNDlUwMtdICuUdBxF=s0-d)
碎股「股神」 唔沽就能生活
近年有位日本散戶大叔，登上綜藝節目走紅。佢叫桐谷廣人，退休前係職業棋手同做散戶炒股，股齡30年。
最令人嘖嘖稱奇嘅，係佢無論炒股炒到幾燶，多年嚟已經鑽研咗一套獨特嘅買股方法，令佢衣食無憂。
話說日本好多上市公司，都會派股東優惠劵，例如快餐店股份，每年兩次，都可以獲得相應嘅餐券。於是，呢位阿叔，就專挑有豐厚股東福利嘅股票投資，投資咗600幾間，間間都唔多，成手碎股，只貪優惠劵。
而喺節目入面，拍攝佢一日嘅生活，就係早午晚三餐、配眼鏡同買書，都係用優惠劵，甚至連睇戲都有免費飛，平日就靠單車代步，根本唔使用錢，難怪曾經經歷過股市暴跌日子嘅佢，生活水平依然無大幅降低。
可知道，佢喺2006年，手上有3億日元股票，2008年雷曼兄弟倒閉時，手上股票縮水到5000萬日元，窮到無Cash開飯，佢就係靠按股份發放嘅優惠劵生活，只要佢唔拋售，似乎就有飯開。
今日，佢僅有嘅開支，就只有租屋而已，每日依然炒股為樂。
資料來源：webuzzy
沒有留言:
張貼留言