每逢年底大行都會相繼提供恒指目標價，正當全世界都留意住佢哋點睇出年恒指走勢，好少有人好似筆者咁得閒，專登走去檢視番去年底各大行畀出嚟嘅目標價究竟有幾準確。去年7間外資大行提供嘅2015年底恒指預測目標價，介乎25000點至27600點，睇番恒指家陣嘅表現，當然好難上到去呢個範圍。
不過又唔可以話啲大行估得唔準，因為有啲大行識得用一啲絕技提升預測準確度，好似係一次過畀幾個目標價，又或者間中調整吓個目標價，咁就可以確保去到年底，總有一個價挨近恒指年終收爐價。
好似瑞銀咁，去年底預測恒指今年底會見26484點，但又好醒目地同時畀埋「藍天」、「陰天」同「雨天」三個不同情境下嘅恒指預測目標價，而呢三個目標價，分別係29132點、23622點同19775點。
相較其他大行畀出嚟嘅目標價，瑞銀嘅「陰天」同「雨天」情境目標價，同恒指現價雖則都仲有8%距離，但已算接近，所以該行亦成功成為一眾大行之中，預測恒指今年表現最準嘅一間。
至於大摩，摩笛當然吹唔響，去年底估恒指基本情況下會升到26800點，不過去到今年9月已經向下調整到24300點，降幅有成9%咁多，不過同恒指現水平比仲略嫌樂觀咗少少。
今年4月港股狂升，大摩調整過一次恒指目標價，不過並唔係神準地估到恒指就見頂，於是率先轉為睇淡並下調目標價，當時嘅大摩同大家一樣咁牛，估恒指仲有得升，於是將今年底目標價由26800點升到去30000點。
El.
不過又唔可以話啲大行估得唔準，因為有啲大行識得用一啲絕技提升預測準確度，好似係一次過畀幾個目標價，又或者間中調整吓個目標價，咁就可以確保去到年底，總有一個價挨近恒指年終收爐價。
好似瑞銀咁，去年底預測恒指今年底會見26484點，但又好醒目地同時畀埋「藍天」、「陰天」同「雨天」三個不同情境下嘅恒指預測目標價，而呢三個目標價，分別係29132點、23622點同19775點。
相較其他大行畀出嚟嘅目標價，瑞銀嘅「陰天」同「雨天」情境目標價，同恒指現價雖則都仲有8%距離，但已算接近，所以該行亦成功成為一眾大行之中，預測恒指今年表現最準嘅一間。
至於大摩，摩笛當然吹唔響，去年底估恒指基本情況下會升到26800點，不過去到今年9月已經向下調整到24300點，降幅有成9%咁多，不過同恒指現水平比仲略嫌樂觀咗少少。
今年4月港股狂升，大摩調整過一次恒指目標價，不過並唔係神準地估到恒指就見頂，於是率先轉為睇淡並下調目標價，當時嘅大摩同大家一樣咁牛，估恒指仲有得升，於是將今年底目標價由26800點升到去30000點。
El.
沒有留言:
張貼留言