【明報專訊】疫情急速擴散，人人都嚷SARS重臨。早年的禽、豬流感主要影響禽畜，不影響人。至於中東呼吸綜合症屬MERS，而是次武漢肺炎的基因排序初步結果較似SARS，故分析界一般拿SARS來作參照，畢竟SARS重災區就在香港，分析框架大家熟悉得多。
港人記憶中的SARS氣氛極差，市道蕭條，且失救者眾，而股、樓等資產價格均跌至谷底，故予人的印象是SARS影響很大；早輪零售銷售收縮兩成過後，亦以「慘過SARS」形容。不過，坊間似乎刻意淡忘了SARS之前的1997年亞洲金融風暴、2000年科網泡沫爆破和2001年9．11恐怖襲擊的影響。SARS其實源於2002年11月，翌年2月才傳入本港。
由1997年10月至2002年11月，CCL樓價指數已由高峰的173點跌至65點，跌幅逾六成；由2002年11月至翌年6月樓價見底，指數進一步跌至58點，即僅再跌多4%。
股市呢？恒指由2000年3月底科網爆破前的近18400點跌至2002年11月中順德出現首宗個案的10000點，跌幅逾四成半，再由當時跌至翌年4月底的低位近8300點，只跌多了9%。
SARS來臨後 股市只多跌9%
股樓兩市已顯示早在SARS爆發前已跌了大截，那經濟呢？其實早在1998年秋，零售銷貨值已按年縮逾兩成，SARS時最差的一個月只縮一成半。早前數字已縮近兩成半，即使今次蔓延本港，又可再縮多幾多？何况本港不是重災區。要評估SARS的單獨影響，最好還是科學一點做個實驗，但即使做不到，亦有自然實驗（natural experiment）的。
星洲和香港素來在各方面性質皆似，經濟增長上落一致，水平亦大致相近。不過，星洲僅206人感染SARS，最終34人不治，跟本港的1755人感染、299人不治，無論在感染或不治的人數比例皆1比8至9。但影響呢？附圖所見，經濟增長卻差不多；不止差不多，而且收縮幅度均較對上兩次短暫和輕微。「實驗」顯示，瘟疫對經濟的影響不大。SARS在港時每6人感染一人失救，今天的武漢肺炎暫時看不及此高，別驚過龍。
facebook.com/kachung.law.988
陸東：市場過於恐慌 可分注買入
【明報專訊】武漢肺炎持續擴散，港股亦被波及。著名分析員陸東認為，從過去疫症經驗，毋須等到疫情完結，當病症數字減少至一定程度，股市已經開始上升，預計股市會在上半年見底，「聰明的投資者不需見到太陽升至水平線，已經會開始預備」。
股市借勢跌 籲避開地產銀行股
陸東表示，去年底港股美股做好，令投資者對後市預期太高，惟全球經濟正在放緩，疫症只是股市借勢下跌的理由。不過他指出企業盈利增長仍然未變，認為現時市場已經過於恐慌，普遍公司相當廉宜，現時反而是分注買入的機會。
陸東認為，投資者應避免重資產行業，例如地產、銀行股，因為銀行處於不利的經濟周期，息差縮窄壓低利潤，而地產股過去受惠量化寬鬆推升樓價，不過他認為樓價已超過合理價值，這些資產衡量風險和回報後並不吸引。他建議可留意受惠於內地政策的輕資產行業，例如零售，清潔能源等。
對於內房股，陸東認為目前售樓的增長率不能持續，因為內地人大多有自住房屋，內房的需求主要來自提升居住質素，當內地人看淡經濟前景，會延遲買樓的需求。中國債務問題去年引起市場關注，陸東指出利率較高的美元債佔內房整體債務12%，在港上市的內房企業現金流，足以應付今明兩年到期的債項。
撑延發業績 勿「因期限犧牲質素」
疫情影響內地交通往來，會計界擔心未能在3月前限期完成核數，有報道指會計師公會已會面港交所（0388）希望將刊發業績限期延遲。陸東認為，會計師或因疫情未能到內地工廠審核，延遲公布業績並不是問題，不希望因期限犧牲審核的質素，有關當局應予以考慮。
李聲揚：今天迎接終極一跌？
【明報專訊】鼠年首次專欄已經是年初十，還是祝大家身體健康。當然發財也很重要，德國股神科斯托蘭尼（André Kostolany）說過，他能以90高齡寫作，除了多得醫學進步，也是因為富有。錢買不到健康是假話，富有國家國民健康一般都較好。
無可避免要談及冠狀病毒（新肺炎），相信大家和小弟都不是傳染病專家，况且觀乎專家意見也不盡相同。暫時較可靠的判斷是，和SARS相比，新肺炎死亡率並非特別高，但傳染性應該更高，碰巧遇上春運，再加上中國人富起來，出行人數是SARS當年的數倍。所以染病及死亡人數，會比SARS高出一截。
經濟「傳染力」 勢超越SARS
小弟專長當然不是傳染病學，還是說回經濟和股市。經濟方面，一般預計新肺炎對中港兩地，甚至全球經濟的影響，會比SARS為大。小弟也同意，除了因為感染人數多，也因為人口流動性比以前高。此外，現在服務業佔中國經濟比重比當年更大，而服務業正是最受打擊的產業。香港現在和中國經濟關係也較當年密切，影響也會較當年大。同樣地，中國現在佔全球經濟的份額，比SARS當年高出不少，而其他國家和中國的經濟連繫，也較當年為多。所以無論是患者（世界各地均出現病例）和經濟的「傳染力」，都較SARS當年為高。
但股市呢？可能是另一回事。無數例子（例如A股和美股，或港股過去數年的表現）均告訴大家，股市表現，和實體經濟的關係不大。新肺炎將打擊經濟增長，沒多少人異議，頂多是程度上的問題。但股市表現則未必如此。
港股兩星期已跌近2700點，大約是10%。留意當年SARS的跌幅也是差不多10%。如果有留意券商或媒體分析，不難發現結論：史上每次疫症都令股市急跌，但也是買入的好機會。道理不難理解：投資者是驚弓之鳥，如有疑問當然先沽為敬。但即使疫症影響企業盈利，股價的跌幅，差不多必定是過度反應，企業價值不太可能因為疫症，而兩星期蒸發一兩成。
小弟在facebook也有文章，討論「SARS導致股樓大跌」的迷思。事實是SARS前幾年，股市和樓市均跌至慘不忍睹，SARS當時反而是最後一跌，隨後下半年股樓狂升，極速收復失地，全年大升收場。至於經濟方面，不錯失業率是高企，但也是在SARS時見頂，而香港GDP也只是在2003年第二季收縮——還不夠1%，全年甚至錄得升幅（提提你：香港GDP早已在去年倒退）。
但當然，道理人人曉講，實行卻是另一回事。口號人人喊，「別人恐懼時我貪婪」，但實情可能是「別人恐懼時我無錢」。除此以外，克服市場噪音絕對不易。SARS當年仍未有智能手機，未有社交網。現在每天均是壞消息，再樂觀的人也容易動搖。
說到底，老套說句，大家對疫情不應掉以輕心——但對你的投資也不應掉以輕心。勇猛撈底固然不易，但也至少不要現在低價沽貨。小弟自詡是「悲觀的樂觀派」，末日論淡友（更多只是口水put並無倉位的花生友）永遠說「最壞情况」，但似乎從未發生。金融海嘯已經是最接近「最壞情况」，疫症嘛！對不起，從來都不會是end game。股市經歷無數次衰退及金融風暴，美股更經歷兩次大戰，往後均能重生，區區疫症，算什麼？
疫情總會終結 資產價格行在消息前
小弟並非盲目樂觀，更非冷血地視人命為數字。相反，悲觀才是盲目。末日論者完全忽略人類文明的進步。100年前西班牙流感，全球5億人感染（當年全世界才17億人），近1億人死亡。通俗點說，即每3人有1人中招，中招的5人死1人，等於現在死4億人！相比下，現在人口多了N倍，跨國物流人流也是當年N倍，但現在的疫症，死幾百人已是世界頭條。這正代表人類生命寶貴了，也代表醫學昌明，也看到人類在歷史中取得教訓。結論：疫情肯定仍未到高峰，感染及死亡人數定會再上升。至於何時見頂？不知道——但總會有終結的一天。不要以為這是廢話，資產價格總是行在消息之前。媒體及大眾最恐慌時，往往是入市良機。
但還是那句，講就容易。若有客觀指標依循，則可以不受個人情緒影響。指標何處有？彭博的記者John Authers早前文章有提到「經濟學人封面指標」，小弟facebook專頁也有討論。John指出，無論是SARS還是伊波拉疫情，當上《經濟學人》（The Economist）封面後，就是股市見底之時。結果？今期的《經濟學人》封面，正是新肺炎。無獨有偶，封面一出，港股上星期五立即反彈。雖然最後仍是跌市收場，淡友認為是反彈乏力，小弟卻認為市場已止瀉，離底部不遠。
今天A股農曆年假後復市，定必補跌暴挫，根本不是新聞。港股再有恐慌拋售，不足為奇——但可能會是終極一跌？無論如何，頭盔和口罩都是要戴，入市衡量風險，出街也衡量風險，沒有人比你自己更應為自己負責。
（筆者為證監會持牌人士，並未持有以上股票）
康證投資研究部董事 www.facebook.com/ivanliresearch/
［恒指1月跌6.6%，然後會點？歷史話你知。梗係買啦！］
完全自家創作。多圖，可以睇medium 全文
1.懶嘅，比結論你先。而家買盈富基金啦，歷史證明，渣得一年幾個月，基本上贏硬咁滯。
2. 上次講過沙士期間嘅港樓港股 (http://bit.ly/2Uc1hrJ) ，今篇只講股票。今次肺炎呢，睇你由邊度計起，但目測恒指調整，已經深過沙士講嘅6.5%。當然你見有啲人又話沙士跌9%（上圖，但用MSCI，喂，蘋果同橙比？）。有啲話18%（下圖，喂，11月開始計起都得？）。個人覺得，6.5%都係比較靠譜，今次跌幅就已經高過上次。不過亦畀你睇到，真係操作，就算都係講沙士，由幾時計起，用咩去度，都有唔同結論，全部都係要判斷。另外都提過，沙士前港股已經係咁跌（所以02年11月計起咪跌18%），相當殘。今次肺炎前明顯唔係，呢個亦有關係。（後記會講多少少）
3. 仲有，Facebook Page有講，經濟學人封面指標 (http://bit.ly/2RFdtzc) 。結果寫完兩日，上星期五（1月31號）上咗 (http://bit.ly/2tlV8Oq) 。當日一度反彈三百點，但倒跌收市。有人覺得係乏力，我覺得係止瀉。
4. 而我呢篇文係星期日（2月2號寫）。今次寫樣好簡單嘅嘢，應該唔使點拗。剛好過咗1月啦嘛，1月恒指跌幾多？照計冇人拗啦？就係跌咗1,877點。咁但當然，睇%啦，6.6%。係咪好多？都幾多。首先，股票多數係升嘅。咁一個月跌6.6%，都幾多。但量化嘛，幾多，即係幾多？
5. 好彩，係有數據嘅。第一組數據，就係盤古初開之時。1964年7月開始。到而家648個月。排一排，見到，今年1月，6.6%嘅跌幅，係排到88位。14th percentile 左右，7個月就嚟一次，係咪差？都幾差。但係咪百年一遇？少年你太年輕，平均一年都有差不多兩次。
6. BTW，648個月入面，374個月係升嘅，佔咗58%。而算術平均都升6.6%。跌嗰274個月，42%入面，算術平均係跌5.9%。可見計月份，恒指6成時間係升，仲要係升幅多過跌幅，日子有功，拉勻咁多個月，指數成長，淡友必定輸仆街，唔好信咩一半半，唔好信咩熊市長，或者跌得多過牛市
7. 好啦，你會問，其實都合理地，遠古嘅數字仲係咪可比？香港經濟增長慢咗咁多，而家又多咗咁多大陸公司，生態不能同以前比。況且其實以前股市波幅大過而家（單月跌幅最大6次都係98年前嘅事，升幅亦都有咁情況）。咁所以，我地拎第二組數據，由2010年開始。點解？避開咗大起大落嘅金融海嘯。你可以當「和平時期」
8. 「和平時期」，剛好10年，120個月。升市亦係佔多，佔咗65個月，54％，平均升4.0%。跌市呢？55個月，46%，平均跌3.9%。股票升多過跌，升幅亦多過跌幅。結論同計埋遠古都差不多，係幅度冇咁明顯。
9. 咁只計「和平時期」，今年1月呢6.6%跌幅，可以排到第13位。11% percentile 左右，一年一遇左右（舊年就已經兩次）。當然幾rare先叫rare，定算medium rare，都仲係好主觀，人腦根本判斷唔到呢啲嘢，亦都會唔同事件唔同時間唔同龍門。
10. 但戲肉嚟啦，在嗰12次一個月超過6.6%調整之後，會係點呢？咩佛多爐治好簡單，就係搵返呢12次，恒指單月大跌6.6%或以上，之後買入。持有1個月，3個月，6個月，同埋1年嘅回報。
11. 結論，都真係好明顯，咪就係，買咯！睇紅色框，恒指單月大跌6.6%或以上之後，你去買。無論係1個月，3個月，6個月，同埋1年，平均都係正回報！
12. 更開心嘅係，渣得越耐，回報越高。都係紅色框，1個月平均回報2.1%，3個月4.5%，6個月7.8%，1年10.7%。
13. 另外，綠色框，其實係贏嘅次數多，輸嘅數次少。你見呢種方法，正回報嘅差不多8–10次（留意有兩次大跌係舊年，未有1年數據），輸錢得2-3次。
13. 另外，綠色框，其實係贏嘅次數多，輸嘅數次少。你見呢種方法，正回報嘅差不多8–10次（留意有兩次大跌係舊年，未有1年數據），輸錢得2-3次。
14. 不過啦喎，睇藍色框見到，雖則平均係贏，贏嘅次數多，輸嘅次數少。但輸嗰時可以輸幾甘—見到1個月，3個月都好，平均跌幅仲高過平均升幅（但因為贏嘅次數多，拉均晒當然都賺）。點算？渣耐啲，去到6個月同1年，就見升幅大過跌幅（而當然贏嘅次數仲係多過輸嘅次數）
15. 咁當然，會有人質疑選擇性framing．我畀完個圖朋友睇，佢有質疑我係咪因為08啲數唔靚所以唔要。事實真係唔係，我計都冇計到，唔係計完出嚟唔靚先唔用。一開始已經係想避開咗嗰啲大上大落嘅日子。但你鍾意可以計埋08 同 09。我相信結論不變，甚至仲勁。正如你可以同埋由1964年計起都得，相信更加明顯。極速計過下07/08，就會係咁。結論都唔差太遠
16. 睇完都唔知講乜？即係，買咯。嫌行貨？除此以外？其實都塞咗好多嘢入你袋啦。你不經不覺又醒咗。
幾個技術後記：
17. 循例都講，世界如棋局局新，過去表現不代表將來．羅素隻雞畀人劏之前日日都好地地的．不過，挑，講話要跌到四位數嗰啲咪又係拎以前嚟比，話勁過沙士嘅咪又係拎過去嚟比。有冇發現呢種謬誤好常見？啲友批評你拎歷史嚟講而家冇可比性—但佢地認為嘅scenario，一樣係拎歷史講
18. 數據來源都好簡單，彭博機。其實就算冇，你上yahoo download都好易，普通家用Excel搞掂。根本就中學生都做到，與其個撚個防疫大師經濟專家上身，不如睇一次數字。唔使拗。
19. 又講返，當然呢啲就唔係科學亦唔係統計學。但呢，又唔係偽科學得晒。首先，投資呀股票嘅嘢幾時都唔係科學（邊個話你知係？）。二來，好重要嘅一點，我都想講，呢啲每日每月表現，就唔同話擲銀仔擲骰仔，唔係每次隨機的，係有相關性的。首先，講撚咗幾千次，股票係升多過跌嘅。計日數計幅度都係。第二，你跌完八九成當然升返嘅機會大，因為平咗嘛。亦都有數字做過（唔貼了），你恒指PE平嗰時買，幾年回報當然係高過PE貴嗰時買。所以本文呢類測試，就唔同話「睇下以往廿年恒指2月升幾多」，自己諗下點解。
20. 另外朋友有讚呢舊東西，個好嘅地方就係純客觀（除咗揀2010-2020，但你可以自己計埋2008，或任何年份）。唔使理任何解釋，我甚至唔理啲嘢係咪乜千年一遇，唔理係咪支爆係咪沙士係咪金融風暴，總之會跌6.6%咪大鑊嘢，然後再睇會點。我亦唔使理之後係救市，定大家信心返嚟，定防疫成功。只講數字，完全cold blooded.
［年初十咁嘅樣］
風雨飄搖，但有時有啲市場休市。咁復市補跌呢，就梗係常識。你見香港會係咁，台灣都係咁。
經濟日報朋友做的表，相當好。即係你預今日A股跌返7-8%都好合理。甚至唔止，因為A股啲嘢向來都升時又個個追，跌時就人踩人。我估可以做個統計分析，計到佢嘅serial correlation 應該強過其他市場
咁但，跌7-8%又如何？其實因為補跌，所以好合理，根本唔會係咩新聞，千萬唔好咩大驚小怪。你睇台灣之前初六復市都即跌6%—suppose 唔係重災區喎
⋯⋯查看更多
［完全自家製作］
齋出張圖畀你，但應該都明。想睇成套嘅，晏少少貼medium post（其實出咗，你可以自己睇）（http://bit.ly/36QWXkj）
唔使研究咩疫情點，死咗幾多人，之後又會點，對經濟影響點。一概不理。純冷血客觀數字討論。恒指1月就跌咗6.6%，以往其實一年總有一兩次（視乎你拎幾長樣本）（舊年有兩次）。咁之後會點？
歷史數據見到，之後，係升多跌少嘅。做法好簡單，拎晒過去10年（避開咗大上大落嘅08，09，但分別不大），恒指試過幾多次單月跌多過6.6%？其實都有12次（咪話一年總有一兩次）。
然後睇返呢12次，如果當時我買入，之後會點？持有1個月，3個月，6個月，1年會點？
結論，都真係好明顯，咪就係，買咯！睇紅色框，恒指單月大跌6.6%或以上之後，你去買。無論係1個月，3個月，6個月，同埋1年，平均都係正回報！更開心嘅係，渣得越耐，回報越高。都係紅色框，1個月平均回報2.1%，3個月4.5%，6個月7.8%，1年10.7%。
BTW，容許我公器私用屌兩句（都忍咗年幾）。其實如果在星展年代呢，整份咁嘅嘢，老細同客都應該幾BUY．咁當然寫英文，加啲術語，執靚啲表，唔好講粗口。但核心都係一樣。照計幾有用
但偏偏就係嗰時整唔到啲咁嘅嘢。咁你話我自大都好，點解嗰時整唔到？唔通我呢年半忽然醒咗？擺撚明就係舊嘅環境令我整唔到呢啲嘢。再講白啲，係舊老細唔識用我咯。咁冇嘢嘅，球員唔夾教練打法，冇話邊個啱定錯，咪各人頭上一片天。而家我都幾好丫。
沒有留言:
張貼留言