轉貼: 劉紹文：熊市未見底

細價股揀股王唔撈細價股

【本報訊】港股今年累計下跌約 20%，細價股尤甚，有「細價股揀股王」之稱的瑞信董事兼亞洲（不包括日本）中小型證券研究部主管劉紹文坦言，今年買細價股「無運行」，目前更不是買入好時機，因熊市未見底。何時可買？他說：「當大家都唔想買嗰陣，就可以買喇！」　記者：陳健文

劉紹文接受訪問時表示，整個市場都被今年優於預期的首季定單表現欺騙了。他略帶氣憤地說：「包括我在內，大家原本以為頭嗰 4個月定單都唔錯喎，不過，嗰陣我都覺得有啲唔對路，因為若果係牛市，無理由細價股不停咁跑輸大價股㗎。」

市場被首季定單欺騙

他續稱：「勢估唔到呢個（ 2010年中開始的升市）只係金融海嘯後嘅反彈，仲要咁快玩完…… 5月嗰陣我喺建滔化工（ 148）度聽到，話啲定單唔得，就確定咗個市唔得嘅睇法。」他說， 5月時已開始出報告調低公司盈利預測，但現在看來仍覺得幅度「唔夠」。

劉紹文表示，就算如分析員及基金經理般可以「跟貼啲」，亦只可以早市場「少少」知道公司或市場開始有問題，要準確估計跌幅及何時開始下跌，連公司本身也不可能說得準，「轉角市從來都係好難估，無論係由好轉壞，抑或係由壞轉好。」

往者不可諫，來者猶可追，有甚麼指標可以預示熊市完結，再戰江湖？

劉紹文認為，較科學的方法，是看股份市盈率（ PE）和市賬率（ PB），以及中小型股份與大型股股價折讓，例如目前兩者折讓僅約 4%，與金融海嘯時約 14%相差甚遠，故他不認為中短期內熊市具有完結的條件。

不過，他個人喜歡較平民的預測方法，「我記得我講過，當通街都係股神，連中學生同師奶都可以做股神嗰陣，而悶到暈嘅財經雜誌銷量亦居然好過《壹週刊》時，個市應該就嚟見頂，反之亦然……若果有一日，發覺自己連財經版都唔想睇，輸到無眼睇，咁就差唔多時候可以買喇。」

散戶不宜買中小型股

有人說過，你越想知道是不是忘記，你反而記得更清楚。像劉紹文建議般不停問自己想不想看，那又怎知自己是否真的不想看？所以，劉紹文再次苦口婆心地表示，為免再糊裏糊塗又蝕錢，散戶是不適宜投資中小型股份。

「相對基金經理，散戶根本接觸唔到一啲貼市嘅行業資訊，只靠一年兩次業績，資訊好唔夠，最好都係唔好買細價股啦……若果要買，最好就睇實個 PB，因為較容易掌握，同埋無咁呃人， PE取決好多嘢，尤其係盈利跌嗰陣，唔係咁可靠。」劉紹文說。

劉紹文小檔案

•特許財務分析師（ CFA）， 1990年畢業於香港城市大學，獲工商數量分析學士學位

• 2000年開始任職里昂證券， 2004年加盟瑞信，現任瑞信董事兼亞洲（不包日本）中小型證券研究部主管，有逾 15年研究中小型企業經驗

• 2008及 09年獲雜誌《機構投資者》選為亞洲分析員排名榜第 3位（按佣金計）； 

06至 08年的《 STARMINE》最佳分析員調查，均躋身三甲