轉貼文章 ~ KO廁所異味

有冇注意到屋企嘅廁所有時會傳出不明嘅臭味？廁所有臭味唔單止影響心情，更會危害健康！如果已經有定期清潔廁所都仲係有異味，異味有機會係來自排水道，甚至馬箱水箱等唔影清理嘅地方。點先可以解決廁所異味？一齊睇下以下兩個方法啦～

1/ 排水U型隔氣

一般嘅手洗盤、地店去水位都會設置U型隔氣。佢嘅設計可以儲水成為水封，防止臭氣/昆蟲進入屋內。如果隔氣位所乾涸，會令水管中嘅臭味/細菌倒灌入屋！要預防呢件事發生，可以定期倒1L水入排水位以保持U型隔氣濕潤，疫情期間更可以用 1:49稀釋漂白水。

2/ 馬桶&水箱

馬桶上殘留嘅尿垢含有有機物，被細菌分解後會形成臭味；而水箱中容易累積污垢細菌，容易形成臭味來源。加上廁所濕度高，提供充足嘅水份同溫室令細菌大量滋生。要解決呢個問題，可以用1:1嘅蘇打粉加白醋混合並塗抹喺馬桶靜待30分鐘，然後倒熱水沖走混合液就可以

水箱入面都可以加入適量嘅蘇打粉，可有效清除水箱中嘅黴菌，仲可以令沖出來嘅水具有清潔馬桶嘅效果。