有位病人心思思想練跑，但係佢打開網球，未有一對正式跑步鞋，問我好唔好用對網球鞋頂住先。
基本上，作為完美主義者嘅我，聽到「X住先」都會眉頭一皺，不過背後當然有佢嘅力學原因。
跑步時，我地雙腳會比行路時更靠近身體重心落地，所以鞋底同地面之間嘅夾角會更大。就因為咁，鞋底故意設計成外側傾斜可以彌補呢個夾角，令雙腳著地時更穩定。
而網球運動比較多橫向急停，設計原則係保護足踝關節，避免拗柴為主。所以鞋底會同跑鞋相反，設計成向內傾斜。如果用佢嚟跑步，會令鞋底同地面之間已經大咗嘅夾角更加大，令雙腳每次落地都更唔穩定，會好容易攰，繼而勞損，最後受傷。
聽完我解釋，咁你話好唔好用對網球鞋跑住先嘞？
沒有留言:
張貼留言