大家有無瞓厲頸嘅經驗？好多人都會唔理佢，等佢自自然然好番，不過呢種方法就要長啲時間；想快啲止痛的話，無痛學堂客席講師骨科專科醫生李學賢醫生話，可以試吓冷敷、伸展同藥物治療3個方法：
1. 冷敷：通常瞓厲頸都係因為頸部肌肉急性發炎，用發燒常用嘅冷敷墊（Cold Pack）可以幫助舒緩痛楚；
2. 伸展：幫自己進行兩邊拉頸呢啲伸展動作，好似運動前做嘅熱身動作咁，拉鬆番扯緊咗嘅肌肉；
3. 藥物治療：以上兩個方法都幫你唔到的話，可以食平時食開嘅消炎止痛藥，由體內發揮止痛藥效；如果怕食藥傷胃的話，可以用唔經腸胃吸收嘅非類固醇消炎（NSAID）止痛貼，藥力可以直接滲入痛處，又唔怕有副作用。但當然如果做齊晒以上方法都係繼續痛的話，咁就要搵醫生睇吓係咪有其他問題嘞。
假如你發現自己隔2、3個月就發生瞓厲頸或頸痛問題一次，就要睇吓自己係咪太大壓力、太攰、或者飲醉酒，搞到全晚都維持住同一個睡姿。如果係前兩者，可以靠做運動去舒緩；係後者的話，咁就要飲少啲嘞。如果只係血液循環得唔好，可以試吓熱敷頸部，睇吓有無幫助。
最後，頻密嘅頸痛亦有可能係頸部結構本身有問題，容易有傷患而你自己唔知，咁就要照X光搵出個真正問題所在啦。
最簡單，及最懶之方法就是唔用枕頭睡覺，今晚就試，初時可能有些不習慣，及不適，正是顕示你問題之所在，幫你調理，只要堅持就會見效果。
沒有留言:
張貼留言