RMT屋企健身工具

電台節目主持人阿Ben（杜浚斌），經常喺節目解答聽眾感情問題，估唔到連大家健身嘅問題都咁關心！最近佢同健身教練Eo合作，研發出一件全天候健身器材RMT：「年幾前開始健身減肥，成效唔錯，後來工作太忙，無時間做運動，好擔心體重會反彈，所以就開始構思一件可以喺屋企都用到嘅健身工具。」
從玩票性質的構思，直至RMT正式面世，阿Ben除咗得到Eo的專業健身意見之外，仲諮詢咗物理治療師，務求針對本港繁忙都市人需要，做出一件全方位多功能的器材，收身有效率又安全！

婚禮統籌師培訓經理Ice Yee

內部注水　考深層肌肉

好多想Keep Fit嘅朋友，都會選擇喺屋企舉吓啞鈴、做Sit Up、掌上壓就算，但Eo話咁樣真正活動到的肌肉其實不多，而且都屬於淺層肌肉，好難收效！
RMT健身板採用「吹塑」材料，造成中空效果，用家可以注水調節重量，在做出相關動作的同時，水的衝力還會增加不穩定性，用家變相會運用多了平日少用的深層肌肉來平衡，間接提升運動質量，連帶對平衡力及身體靈活性都有幫助。RMT對手腳、膊頭、胸肌都有相關運動配合，可以話非常之多功能！

RMT抗阻力運動訓練功能師 $1,299

注水多少，要視乎用家自身承受能力。

瘦身男女　輕度運動

平日的工作已經夠忙，加上要籌備婚禮，真係唔會得閒做運動！健身教練Eo針對新郎、新娘的肥肉重災區，配合RMT，精選出幾款簡單動作。佢話只要跟足指示，一個星期做兩至三次，大概一個月就會見到明顯效果。

女：擊退Byebye肉

1.膝頭分開微彎、手踭屈曲靠着耳朵，腰要挺直，雙手緊握RMT放在背後。(可用啞鈴暫代)

2.向上提舉RMT，直手上，曲手落，來回15次為一組，每次做三組。

女：加強臀部曲線

1.全身躺下，一隻腳踏在RMT上，另一隻腳盡量伸直朝天。

2.踏在RMT的腳將腰部撐起，注意另一隻腳要保持伸直。同樣上下來回15次為一組，每次做三組。

男：膊頭練大隻

1.身體、手踭微曲，腰保持直線，手握RMT在前。(可用啞鈴暫代)

2.提起RMT，使得膊頭和手腕成水平線，來回十二次為一組，每次做三組。

男：練實胸肌

1.反轉RMT在上面做掌上壓，注意背至臀部要保持一直線，十二下為一組，每次三組。

2.RMT的拱形設計，令你在做掌上壓的時候會向左右擺，加強難度及肌肉活動性。

錯誤示範：Eo提醒，做掌上壓時腰要挺直，肩頸亦不能聳起，否則好易受傷！

查詢網站：http://rmt-fit.com/
電話：31658289

http://hk.apple.nextmedia.com/supplement/retails/art/20120913/18014586