http://finance.discuss.com.hk/viewthread.php?tid=20482941&extra=page%3D1&page=138
一向維修都係肥肉， 點解？？ 因為，無乜邊幾個法團人士係專業的。
個個只係睇價錢， 合約唔識睇， 有乜古怪都發覺唔到。
亞伯唔係貴屋苑的業主。但以過來人的身份， 等大家可以借鏡。（大家亦可以參與新屯中的標題， 我地而家都想成立一個跨屋苑的關係網， 用來大家交換下心得， 免大家成為大鱷點心）
1。基本上， 顧問公司， 好多人係鬥平。點解佢地可以平？？
顧問係監管所有工程的角色， 即係， 工程點做， 點樣驗收， 由佢話事，
如果你唔係“顧問公司”原來的班底， 顧問實可以玩到你有汗出無糧出， 做完話唔啱規格， 斗零都無得收。
結論， 你揀邊間顧問， 即係等於邊一“揪”承辦商入圍。（一定係自己人， 無關係， 俾著你都唔敢入標）
所以， 點解顧問可以平？？ 平到你基本上請個文員去跟的人工都收唔到， 因為， 佢地可以從不同的承辦商度拿到回佣。否則， 何以生存？？
2。承辦商， 由於佢地係落手落腳做， 所以， 一定要買BOND， 即係， 有乜依郁， 做得唔好， 你有得渣手， 可以入佢張BOND去收番之前你地已俾咗的貨款。所以， 一定要MARK實， 佢張BOND係幾耐， 如果張BOND到期但未做起， 記住， 要佢地延期。
2。承辦商， 由於佢地係落手落腳做， 所以， 一定要買BOND， 即係， 有乜依郁， 做得唔好， 你有得渣手， 可以入佢張BOND去收番之前你地已俾咗的貨款。所以， 一定要MARK實， 佢張BOND係幾耐， 如果張BOND到期但未做起， 記住， 要佢地延期。
要特別睇下， 承辦商的背景。一般承辦商， 唔會太大間， 都會係本地公司。但有些承辦商， 會用一些外地公司註冊， 如英屬處女島， 百慕達呀咁， 然後再開一間本地公司來入標， 呢類公司要特別小心， 當然有乜事可以拍拍屁股走人， 而最重要， 一間正正常常的公司， 點解要攪到個架構咁複雜？？ 佢地咁做， 就係唔想個老細的身份爆光。玩唔玩得過就你地自己諗。
3。點搵食。
3。點搵食。
一般， 如果鬥平價入標的工程， 只得一招， 靠偷工減料來賺錢。只要同顧問夾好， 係“驗收”呢個環節出少少古惑， 明明蝕的工程馬上可以大賺。
任何合約， 顧問公司開俾承辦商， 都會有一個GS， 即係施工材料同規格。上邊好清楚每一個工序要做幾多次， 點為之做得好。
通常， 佢地會係一D你地掂到摸到的地方就做得靚仔， 你可以試下搵D古怪地點來驗佢地手工（我慣咗走去垃圾房， 水泵房， 天台水箱位等等。。。。你會見到好多新奇刺激的手工。
GS一定要熟讀， 如果係做外牆， 可以去買一枝神仙棒， 只要不斷打橫掃， 有無打鑿馬上會從聲音反映， 呢D， 就要睇到個工程做乜先可以教到你點去驗。）
GS一定要熟讀， 如果係做外牆， 可以去買一枝神仙棒， 只要不斷打橫掃， 有無打鑿馬上會從聲音反映， 呢D， 就要睇到個工程做乜先可以教到你點去驗。）
有時，要留意， 合約有無漏到細節， 例如， 如果要求做防水， 你要留意佢工程度有無做防水層。（有做無做， 價錢差好遠）
換喉有無拔走舊喉碼， 水管有無突然幫你掃漆， 不銹鋼有無指定形號。
魔鬼永遠在細節中。
記住 如果有必要， 可以去搵政府部門幫忙， 我忘記了邊個部門， 有一部份可以按你地要求幫你地報價， 要比較過你先會知價錢大約幾多。（否則， 圍晒標， 最平的標價， 唔代表真係平。呢D價格錯覺， 係佢地搵食技巧。）
魔鬼永遠在細節中。
記住 如果有必要， 可以去搵政府部門幫忙， 我忘記了邊個部門， 有一部份可以按你地要求幫你地報價， 要比較過你先會知價錢大約幾多。（否則， 圍晒標， 最平的標價， 唔代表真係平。呢D價格錯覺， 係佢地搵食技巧。）
工程從來無話平定貴， 一分錢一分貨。你要D乜咪俾乜嘢價錢LOR。多D參考人地屋苑做乜工程， 總數幾多， 同自己屋苑比較， 你就會心中有底。
最近班維修大鱷由葵涌殺到入大西北。因為開始屯門元朗天水圍的樓宇接近三十年， 大茶飯也。
為了搶工程， 派人滲入搶法團做， 抹黑， 搶權， 無所不用其技。
http://legalref.judiciary.gov.hk/lrs/common/search/search_result.jsp?stem=1&txtselectopt=1&selDatabase=JU&isadvsearch=1
你係法庭判詞打入維修， 入邊的個案多到你睇唔晒。其實， 每日都係香港發生緊， 只不過， 好多人一生中都未試過做維修， 初哥容易被人搵笨， 天公地道。
http://legalref.judiciary.gov.hk/lrs/common/search/search_result.jsp?stem=1&txtselectopt=1&selDatabase=JU&isadvsearch=1
你係法庭判詞打入維修， 入邊的個案多到你睇唔晒。其實， 每日都係香港發生緊， 只不過， 好多人一生中都未試過做維修， 初哥容易被人搵笨， 天公地道。
記住， 錢平貴唔係考慮，最緊要係CROSS CHECK， 睇下入標公司之前做過乜嘢屋苑， 親身去人地屋苑走下， 如果有朋友住呢個屋苑就問下口碑。
再去望下有幾個大屋苑， 日日為維修鬥到七彩， 你去問下人地有關的顧問同承辦商， 你會發覺係熟口熟面的。
加上有時呢類維修公司都會同區議員等等好好朋友， 好多時講到天花龍鳳， 入咗去做之後你就後悔莫及。
對有維修的屋苑的忠告。
千祈唔好認為自己比其他業主叻， 人多才好辦事。每人亦有每人的長處，
對有維修的屋苑的忠告。
千祈唔好認為自己比其他業主叻， 人多才好辦事。每人亦有每人的長處，
如何分派工作俾唔同的業主同委員，例如， 教曉每戶人點樣去驗收自己單位，
點樣為之標準， 唔合標準就要馬上滙報，
法團未必個個識工程， 但屋苑實有好多業主係識工程的，
成立個維修小組， 由識工程的業主擔任，
作為第三者報告， 滙報俾法團，
盡量由維修小組去同顧問公司研究工程細節， 再報告返俾法團，
咁顧問想呃你， 或者顧問想收買法團， 都要收買多好多人， 成本大咗， 功效未必咁大，
咁就有機會減少偷工減料情況。
而俾錢， 記得一定要召開業主大會， 由佢地舉手決定。
咁做， 就算承辦商搵黑社會凶你要你俾錢， 你都大可以推到大會身上， 以保自己平安。
由第一期錢， 你就要逼到顧問承建商乜都要聽你講去行事，
否則， 你只會被佢地牽住個鼻走， 下下都凶你話最多唔做。
（呢個時候， 唔好客氣， TAKE ACTION去做嘢。顧問承辦商係呢個階段實唔夠你玩）
（呢個時候， 唔好客氣， TAKE ACTION去做嘢。顧問承辦商係呢個階段實唔夠你玩）
多問， 多睇， 多聽， 對你地會有好大幫助的。
沒有留言:
張貼留言