星島日報
英國傳媒報道，移民諮詢委員會（MAC）訂5月中旬完成檢視英國的畢業生簽證（Graduate visa）制度和實施情況，預計政府將在收到相關報告後，宣布新措施緊縮畢業生簽證。
現行畢業生簽證制度允許留學生在取得學位後，合法居留英國至少2年（博士生可達3年），不受專業能力門檻限制，也不要求就業。MAC是獨立的諮詢機構，受政府委託檢討政策並提供建議。
合法居留期或縮短至半年
親執政黨保守黨的《泰晤士報》（The Times）援述官方消息來源報道，政府目前考慮的選項包括將取得學位後的合法居留年限由2年縮減為1年或6個月，甚至完全廢除此一合法居留渠道。
消息人士指出，有越來越多外籍人士在利用學生、工作和一般訪客（visitor）簽證合法入境英國後，轉而申請庇護，藉機延長在英國的時間。部分以往會選擇經英倫海峽（English Channel）偷渡至英國的非法移民，也轉而利用學生簽證等合法途徑入境英國。
《泰晤士報》報道，移民案件上訴終審法庭「上級審裁庭」（Upper Tribunal）的紀錄顯示，至今已有數百件案例為外籍人士利用學生簽證入境英國，隨後藉由申請庇護或其他人權保護措施，免於遭驅逐出境。
受英國法規及「歐洲人權公約」（ECHR）限制，申請人在上訴和重新申請庇護期間，不得被驅逐出境。
入境後轉利用學生簽證
《每日郵報》（Daily Mail）近日援述內政部內部資料報道，至2023年3月止的一年期間，有高達逾2.1萬宗庇護申請是來自憑簽證合法入境英國的外籍人士，數量為2003年以來最高，且年增長率高達154%。
其中，學生簽證是最常被利用的管道，佔比近這類案件3成。《每日郵報》跟進報道，超過1/3這類在入境後接續申請庇護的學生是透過5所大學及1家教育機構取得簽證，總數達2195件。
這5所英國大學院校的相關個案數，由多至少依序為朴茨茅夫大學（University of Portsmouth）、德蒙福特大學（De Montfort University）、赫特福德大學（University of Hertfordshire）、考文垂大學（Coventry University）、創作藝術大學（University for the Creative Arts）。
關於學生簽證規定將有何變化，英國內政部表示，將仔細考慮MAC的研究結果，目前不宜先入為主預測任何結論。今年1月起，多數國際學生已不得為家屬申請居留簽證，也不得在完成學業前轉換簽證種類。內政部表示，這有助打擊「販售移民服務、而非教育服務」的機構。
是咁的，相信各位 BRP 持有人都應該留意到，無論大家 visa 幾時到期，張卡嘅 expiry date 都會係 2024年12月31日，點解會咁嘅呢? 當中嘅來龍去脈，要由英國脫歐前說起
。
歐盟對BRP 有一定嘅要求，佢哋要求BRP 一定要使用新一代嘅加密技術，英國 Home Office 原本計劃 2025年1月1日推出採用新一代加密技術嘅BRP，所以無論大家嘅visa 幾時到期，BRP最長有效期限為 2024年12月31日。
隨住英國係2020年1月31日脫歐，英國無需要再滿足歐盟嘅要求，但英國 Visa 嘅大趨勢係轉用 eVisa，既然已發出 BRP 嘅最長有效期都只係去到2024 年12月31日，而家係一個好時機由實體BRP 轉做 eVisa
。所以，就算英國脫咗歐，新發出嘅 BRP 都係一樣2024年12月31日到期，全國劃一 2025年開始就唔再使用 BRP。簡單啲講，全部人之後都要透過 UKVI account 去 prove 自己嘅 immigration status，做法同申請 visa 時用 apps 做生物識別嘅 visa 持有人一樣，BRP 將會成為歷史文件
。
BRP visa 轉 eVisa 嘅系統已經準備就緒，今日 (即2024年4月17日) 開始，Home Office 就會向所有 BRP 持有人發出 email，邀請佢哋開設 UKVI online account，以將 BRP 轉成 eVisa。由於持有BRP 人士數量眾多，為免大家湧入 Home Office 網頁轉 eVisa，所以，邀請 email 會分階段而唔會一次過send 俾所以 BRP 持有人，而Home Office 目標係今年夏季內向所有BRP持有者發出該email。
各位BRP 持有人記得留意自己有無收到 Home Office 嘅 email，記得係2025年1月1日前轉 eVisa喇。係度順帶提提大家， yahoo email 嘅用家最好 check 埋inbox 入面嘅垃坂桶，因為根據前人經驗，好多Home Office send 去 Yahoo email address 嘅電郵都會直接去咗垃圾桶
。
第二項：Citizenship Ceremony 加價
是咁的，大家都應該記得，18歲或以上人士成功申請成為英國公民後，需要進行宣誓儀式 Citizenship Ceremony，入籍宣誓儀式嘅費用長年都維持係 £80，但原來有關費用已經靜悄悄地係 10/4/2024 加到 £130，加幅為62.5%
。
入籍分別有兩個途徑Naturalisation 及Registration：
成人有 BNO status - Registration
成人無 BNO status - Naturalisation
全部未滿18歲人士 - Registration
10/4/2024 後，入籍英國嘅新費用如下(已包Citizenship Ceremony之費用)：
成人
Naturalisation - £1,630
Registration - £1,481
未滿18歲人士
大家留意，法例無規定未滿18歲人士需要參加Citizenship Ceremony，所以小朋友可選擇同唔同父母一齊參加該儀式，唔參加嘅話，就慳返£130一位。
以而家嘅收費計算，永居(大小同價，一律£2,885) 加入籍費用如下：
A. 有BNO status 嘅成人
2,885 + 1,481 → £4,366
B. 無BNO status 嘅成人
2,885 + 1,630 → £4,515
C. 未滿18歲人士(參加Citizenship Ceremony計)
2,885 + 1,344 → £4,229
大家留意，以上列出嘅價錢只係而家呢一刻嘅收費，塵氏之前都講過，預料到咗兩三年後，到大家真正申請永居嘅時候，申請永居/入籍已經加多一兩次價。都係個句，關於移民項目嘅加幅百分比，每次至少都有雙位數，大家應該未雨綢繆，做好規劃。
汁喺留言
（
以上資料只供參考，一切以官方資料為準
）
