2012年7月17日 星期二

轉貼: 一個江恩投資者 “行業座右銘”



全球市場正等待新的剌激藉口 , 我突然想執筆寫一篇有關新人如何能在呢個行業成長的心態和歷練

每一個想脫離打工一族的朋友 , 都應該曾與自己既思想鬥爭過 , 我亦不會例外, 但過程絕對不會是一帆風順的.......

N 年前, 我用了儲足幾年之幾萬元, 開了第一個外匯炒賣戶口 , 以為憑著無比之鬥志 , 加上不多不少的技術分析知識, 咁就可以在外匯市場謀生, 從此脫離打工一族之生涯 ,  當然 , 初生之犢不畏虎之精神 , 只維持了不足一年, 戶口內結餘不上不落之心情 , 加上逐漸有生活上之財政壓力 , 令個人情緒弄得極度飄忽不定 , 所有你身邊的人都開始質疑你既決定是否正確, 有既更直言叫你不如找番一份工作也罷 ( 連我阿媽都係咁講 ) ,

在呢種狀態下 , 失敗就顯得更是理所當然痛定思痛之下, 我死死地氣地搵過份工, 繼續每天只帶個殼返工, 晚上則做很多 system testing , TA 研究 , 閱讀 / 學習 ........幾乎將幾百份之百二之精神 , 放在炒賣範疇裡, 為的只是為了平反六四, 就是要話俾人聽, 我揀既路冇錯, 只是時間磨練上失去預算 , 心信只要方向正確, 那會有行不完的路呢 , 當時好好彩, 在家人協助下 ( 佢地想我安定下來 ),一齊供了我人生第一層樓 , 並在價格升了一倍後 Good 水離場 , 提供了我炒賣之第一筆資金 , 心想若果當時沒有堅決地咬實牙根為了理想 , 現在就沒有咁幸運地可以在呢個行業立足了

上天對我之眷顧確實不少 , 有了第一筆資金之支持下, 我反而並沒有即時入場再炒 , 而是耐心地攪江恩研究 , 因為我經過上次之失敗後, 對市場之不確定 / 不可預測性...有了介心 , 心想沒有一套完善之客觀睇法 , 同一顆無比之耐力 , 在市場贏錢 , 只是一般人士之幻想也罷 , 攪不通不如不炒

如是者我又收埋左自己 3 幾年, 閒來只是過一些簡樸的生活, 盡量保留實力 , 繼續將自己磨練成一把鋒利之武器 , 等待一個大機會落倉.........何解 ? 因為我開始明白到, 日日在市場出出入入 , 只會消磨了你之時間 , 並未真正能夠帶來巨大之收益, 重要的是連續的 capital gain

講到呢道, 我諗你地已經開始明白, 想脫離打工一族做炒家 , 你一係有一個有錢老豆, 支持你去炒賣, 如果冇既, 就要靠自己平時死慳死抵, 儲存幾年之積蓄 , 仲要唔好亂用, 等待一個大機會去落注捉一個大底頂, 做成複式效應 , 累積起第一筆本錢, 呢一點, 我地既 member 應該可以 macro 地找到大形轉勢發生之時間 ( 暫時唔好再在攪細 T 晒時間了 , 到了你又有錢又有時間時先慢慢再攪過啦 ) , 一年一底一頂一定有, 問題係你可唔可以有效地利用到也罷, 當你捉得三兩轉大勢之後, 你就有足夠之資本考慮全職進入炒賣行業了

我希望呢篇文章 , 能帶俾你一個正確之方向同前瞻 , 令你在尋夢之同時 , 亦能顧及了實際之進度條件 , 坦白而言, 用少於十年八載時間 , 去為你下半生既理想去努力 , 實在是值得既 , 咬緊牙關幾年 , 頂硬上罷 , 祝各位都能成為獨當一面之獨辣 / 立炒作人 , 脫離老細之踐踏 , 阿門 !


共勉之!!

沒有留言:

張貼留言